Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Franja du Plessis verloof

Jammer manne, Franja du Plessis, is gevat! Ja, jy het reg gelees.

Die sangeres Franja du Plessis (23) is verlief en verloof!

Haar aanhangers sukkel die afgelope tyd om die knewel van ‘n ring aan haar ringvinger mis te kyk en wens haar gedurig geluk met die blye nuus.

#tbt #throwbackthursday na ‘n aand uit so 2 weke terug! #vakansie #lekker #liefde #verliefenverlore

A photo posted by Franja Du Plessis (@franjadp) on

Franja het verlede jaar haar debuutalbum, My Verhaal, uitgereik en het sedertdien flink in haar bekende ma, die sangeres Juanita du Plessis, se voetspoor begin volg.

Sy het self die 16 liedjies op haar album, wat goue status bereik het, geskryf.

Willie Engelbrecht (24), wat sedert hul skooldae aan die Hoërskool Die Wilgers Franja se kêrel is – amper ses jaar al. Hy speel rugby vir Tukkies. Franja het beaam sy skryf graag oor die liefde.

Sy het ‘n maand gelede op Instagram ‘n foto van haar en Willie gedeel waarop dit lyk asof sy ‘n sjampanjeglas vashou terwyl sy Willie op die wang soen. Sy het by die foto geskryf: “Terugflits na een van die lekkerste dae van my lewe saam met hierdie lief van my!”

Sy en haar tweelingboet, Mario, het Maandag hul verjaardag gevier en op ‘n foto wat sy van hulle gedeel het skitter haar ring weer.

Dis sowaar goeie nuus vir Franja, Willie en hul families. Baie geluk, julle!