Groot opwinding heers by Revue 2016, want die vier finaliste in die Laerskole afdeling is so pas aangewys. Daar was aanvanklik twaalf gekeurde laerskole wat deelgeneem het aan hierdie opwindende revuekompetisie op kykNET NOU (Kanaal 146).
Vanuit hierdie twaalf, is daar agt semi-finaliste aangewys en van daar is die vier finaliste aangewys wat sake gaan uitspook op die finale vir Laerskole op 18 Desember om 17:00.
Die vier finaliste in die laerskole afdeling van Revue 2016 is:
Laerskool Baanbreker (Jnr) – Boksburg
Laerskool Wonderboom – Pretoria
Laerskool Kruinsig – Kempton Park
Laerskool Baanbreker (Snr) – Boksburg
Die groot vraag op almal se lippe is egter: “Watter laerskool gaan wegstap as wenner van Revue 2016 in die laerskole afdeling?”
Revue 2016 is ’n opwindende revuekompetisie vir laer- en hoërskole wat reeds vanaf 2 Oktober 2016 op kykNET NOU! (Kanaal 146) om 17:00 uitgesaai word. Daar word ook ’n “agter-die-skerms-Revue-program” uitgesaai, Revue Ekstra wat op Maandae om 19:30 op kykNET NOU! aan die beurt kom.
Die aanbieders van Revue 2016 en Revue Ekstra is Sue Pyler, Hendri Myburgh, Mandi Baard en Danie Putter. Die beoordelaars is aktrise, regisseur en skrywer, Lizz Meiring, sanger en liedjieskrywer, Pieter Smith en bekroonde internasionale mimiekmeester, John Jacobs. Die regisseur van die program is Frans Swart van Lefra Kommunikasie en Bemarking. Revue 2016 en Revue Ekstra is by Carnival City se Big Top Arena voor ’n gehoor opgeneem.
Revue 2016 word aangebied met die vriendelike samewerking van Meat World wat as hoofborg optree. Meat World het 12 takke regoor die land. Angelino Perreira, Besturende Direkteur van Meat World sê dat dit ’n baie goeie projek is om by betrokke te wees. “Dit is is vir ons lekker om by jeugprojekte soos Revie 2016 betrokke te wees, want ons jeug is ons toekoms en dis vir ons hier by Meat World belangrik om in die jeug te belê. Ons gaan ook vir die wen-laerskool en wen-hoërskool elkeen R25 000 se vleis skenk om te gebruik vir hulle voedingskemas by die skool.”
Groot pryse is op die spel en elke deelnemer ontvang ’n sertifikaat van deelname. Meer as R50 000 se kontantpryse is op die spel. Meat World skenk R25 000 se vleis vir beide die wen laer- en hoërskool. Dan is daar ook ’n lekker verrassing vir die Revue Organiseerders – die wen laer- en hoërskool se revue organiseerders wen ook elkeen ’n kajuit vir twee na die suksesvolle Oppiwater Kunstefees volgende jaar van Kaapstad na Namibië toe.
Revue 2016 word aangebied met die vriendelike samewerking van Carnival City, kykNET NOU!, Lefra Produksies, Meat World, Hollywood Costumes, McCarthy Volkswagen Arcadia, Neuhoff Ouditeure, Playboy Unisex Intercoiffure .
Herhalings van Revue 2016 word Maandae om 14:00; Dinsdae om 19:00; Woensdae om 19:00 en Donderdae om 10:00 uitgesaai.
Herhalings van Revue Ekstra kan Dinsdae om 10:00; Donderdae om 19:00; Vrydae om 12:00 en Saterdae om 18:30 gekyk word.