Kom geniet ’n aand van Kersliedere saam met Jacaranda FM en SPAR

Die feesseisoen is om die draai en Jacaranda FM en SPAR se jaarlikse Carols by Candlelight is terug. Dié konsert word Donderdag, 1 Desember vir die eerste keer by Loftus Versveld in Pretoria aangebied.

Die hekke open om 16:00 en die vertoning begin om 19:00 en sal 21:00 eindig. Kunstenaars soos Lloyd Cele, Kurt Darren, Elvis Blue, Swing City, Charlize Berg en die Soweto Gospel Koor sal konsertgangers vermaak met die voorste Kersliedere.

Toegang is gratis, alhoewel konsertgangers ’n speelding of twee vir minderbevooregte kinders moet saambring.

3916_jac_cbc_2016_pta_kv-original

Op Saterdag, 3 Desember word dié vertoning in Johannesburg aangebied by die Bidvest Wanderers Stadium.

Lloyd Cele, Chianosky, Ross van Primecircle, Kahn van The Parlotones, The Voice-wenner, Richard Stirton, Charlize Berg en die Soweto Gospel Koor sal op die verhoog wees.

Al die skenkings tydens die vertoning sal aan die Abraham Kriel Kinderhuis, Hugh’s Haven en Child Welfare: Midrand geskenk word.

Volg Jacaranda FM op Facebook, Twitter en Instagram vir meer oor dié geleentheid.