DZL: Warm manne met warm harte

Jy gaan verseker twee keer dink wanneer jy die manne van DZL ontmoet. Hulle is nie net sag op die oog nie, maar uiters talentvol en is geen vreemde gesig op verhoë regoor die wêreld. Andries Hendrik Potgieter en Wiaan Fourie, wat eers as solo-kunstenaars opgetree het onlangs kragte saamgesnoer ná die twee ’n platekontrak by NextT en Just Music, in samewerking met Sony BMG geteken het.

Hulle stel ook hul selfgetitelde-album vry waarvan talle snitte op die album op radiostasies reg oor die land gespeel word. Hul eerste enkelsnit vanaf die album, Vind Jou Pad, het ook die trefferparades geklim en op verskeie stasies die nommer een posisie beklee.

Hulle het selfs internasionaal naam gemaak en het reeds opgetree in Disneyland, Namibië se musiektoekennings en selfs Namibia’s Got Talent. Gehore van reg oor die land het die twee reeds met ope arms ontvang.

Benewens die feit dat die twee kan sing, is hulle ook goed gebou en spog Andries Hendrik Potgieter met die titel as Cosmopolitan se sexyste man vir 2016. Hulle kan ook gereeld op loopplanke reg oor die land gesien word en was al deel van die SA mans modeweek en Mercedes se modeweek.

Andries 212011385_438716936312478_3353443507466217124_n

Dié groep het ook onlangs in die TV-reeks, Lek Jou Lippe Af, wat op VIA (DStv kanaal 147) uitgesaai word verskyn. In die program leer hulle al die tegnieke wat handig gepas kom in die kombuis. Wiaan het uiteindelik koning gekraai in die kombuis, na hy aangewys is as die sjef wat die meeste vordering gemaak het.

EDIT 3 VIA TV 05042016 115

Hulle gee ook om en is die ambassadeurs vir Limpopo se Rhino Security Group en Rhino Connect. Sedert hulle as ambassadeurs aangestel is, het hul ’n bedrag van R9 miljoen ingesamel vir anti-stroping. Dié projek het ook gesorg dat een van die renosters na hulle vernoem is. In samwerking met radiostassies soos Jacaranda FM, Pretoria FM en VCR skep DZL bewusmaking van renosterstroping.

IMG_0016Hulle leuse is immers DZL op die planke, DZL op die verhoog, DZL op in die bosveld.

Hulle is ook vandeesweek se gaste op #FridayLive komende Vrydag, 9 September om 19:00 op ons Facebook-blad. Skakel gerus in en kuier saam. Daar is selfs ’n prys op die spel.
Vir meer oor dié groep volg hulle op Facebook, Twitter en Instagram.