Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Gavin Edwards reik eerste enkelsnit uit

Universal Musiek het Vrydag aangekondig dat hulle aan Gavin Edwards, naaswenner van die eerste reeks van The Voice South Africa, ’n platekontrak aangebied het.

Gavin-Edwards-Sparks
Gavin Edwards se nuwe enkelsnit Sparks is nou op iTunes beskikbaar. Foto: Facebook

Gavin was deel van Team Bobby en was van sy blinde oudisie ’n gunsteling onder talle kykers. “Ek is baie opgewonde om deel van die Universal Musiek familie te wees en om te sien wat die toekoms vir ons in hou. Toe ons koppe by mekaar gesit het vir die nuwe album en die nuwe enkelsnit, Sparks, het als in plek geval” sê Gavin aan die glans-webwerf, Channel24.

Volgens Channel24 sal Gavin in Augustus besig wees in die studio om sy debuut-album op te neem – die album sal na verwagting in September vanjaar uitgereik word.

The Voice South Africa word tans op kykNET NOU! kanaal 146 herhaal.

Klik hier en koop Sparks op iTunes.