Francois van Coke het Donderdagoggend sy splinternuwe musiekvideo eksklusief op die aanlynwebblad, Channel24 vrygestel.
Dié video is vir sy jongste enkelsnit, Mensdom, vanaf sy splinternuwe album, Hierdie Is Die Lewe.
Hierdie Is Die Lewe tref die winkelrakke op 2 Februarie 2017.
“Hierdie Is Die Lewe handel oor die lewe, die goed, die sleg, liefde en haat, die verlede, die toekoms en die hede,” sê Francois.
Hierdie album is die voorloper ná die uitreiking van sy suksesvolle en bekroonde debuut-album en kan gesien word as ’n momentopname waar Francois in sy lewe is. Die kenmerkende klanke van die eerste album sal ook op dié album wees.
Francois het die album oor ’n tydperk saam met sy orkes, Die Gevaar opgeneem. Hierdie Is Die Lewe is vervaardig deur Johnny de Ridder (Fokofpolisikar kitaarspeler) en Rudolph Willemse (Francois se baskitaarspeler) by Soft Light City in Belville.
“Ek het veral na ouer groepe soos Beach Boys en The Beatles geluister om inspirasie vir my album te kry. Baie van die klanke sal ook in my melodieë gehoor kan word. Daar is ’n paar rock ’n roll liedjies en ’n paar ballades,” sê Francois.
Kyk die musiekvideo hier:
Oor Mensdom sê Francois: “Ons almal het een ding in gemeen – ons lewe, al is alles anders. Die liedjie is oor die lewe en hoe ons lewe met oorwining en verlies.”
Dié video dien ook as ’n aptytwekker vir die album en stel Francois se orkes, Die Gevaar bekend.
Die Gevaar bestaan uit Jedd Kossew (Kitaar), Richard Onraet (Kitaar), Rudolph Willemse (Bass en Produksie), Walter Von Waltsleben (Dromme) and Sheldon Yoko (Dromme).
Klik hier om Hierdie Is Die Lewe op iTunes vooraf te bestel.
Mensdom en nóg ’n snit, Klein Prys sal op langspeelplaat by Permanent Record beskikbaar wees.
“Klein Prys word opgera aan Fokofpolisiekar,” sê Francois. Dié plaat sal by vertonings beskikbaar wees en ook aanlyn op Permanent Record se aanlynwinkel.
Aanhangers kan ook so paar van dié datums aanteken.
Bly ophoogte van Francois se doen en late deur sy webblad te besoek, sy Facebook-blad te like of hom op Twitter en Instagram te volg.