Vadersdag is hier, en om dit te vier het ons span ’n lys van vyf Afrikaanse musiekvideo’s vir al die pa’s saamgestel. Van Emil Paul tot Elvis Blue – daar is iets vir elkeen:
Elvis Blue: Die Hartklop van ’n Pa
Die Hartklop van’n Pa is Elvis Blue se eerste enkelsnit vanaf sy nuwe opkomende album. Volgens die sanger lê die liedjie hom na aan die hart.
LEES OOK: Elvis Blue stel nuwe snit spesiaal vir Vadersdag bekend
Emil Paul: Man van Staal
Die opkomende sanger Emil Paul het Man van Staal vir sy eie pa geskryf as ’n verjaardag geskenk in 2017. Die liedjies beskryf hoe ’n pa deur die oë van sy kind gesien word.
LEES OOK: Nuwe Emil Paul enkelsnit is ’n viering vir Vadersdag
Stèfan Bezuidenhout: My Hero, My Pa
Stèfan Bezuidenhout is vinnig besig om naam te maak in die musiekbedryf. Die 11-jarige, wat binnekort sy debuutalbum vrystel, het met My Hero, My Pa die Solis vir Christus -kompetisie in 2015 gewen.
LEES OOK: Stèfan Bezuidenhout binnekort op almal se lippe
Snotkop: Song vir my Dad
Snotkop se liedjie Song vir my Dad is spesiaal vir sy eie pa gepen na hy oorlede is. Die musiekvideo spog reeds met oor die miljoen trefslae op YouTube.
Adam Tas: ’n Man soos my Pa
Adam Tas se musiekvideo vir ’n Man soos my Pa is bitter spesiaal. Speel dit gerus vir jou spesiale man of pa.
Deel met ons jóú Vadersdag musiekvideo deur die hutsmerk #Vadersdag te gebruik.