Die Afrikaanse musiekduo Skemer keer op 30 Oktober terug met hul splinternuwe enkelsnit, “Ek Kort Jou”, wat saam met ’n amptelike musiekvideo op alle digitale platforms uitgereik word.
“Ek Kort Jou” is ’n opregte, speelse liefdesliedjie oor die eerste vonk tussen twee mense en die droom om uiteindelik ’n lewe saam te bou. Met ’n tikkie humor, romanse en ’n aansteeklike melodie vertel die liedjie die verhaal van twee mense wat byna onmiddellik besef hulle is vir mekaar bedoel.
Die liedjie se boodskap sluit besonder goed aan by Skemer se eie liefdesverhaal. As ’n getroude paartjie wat hul passie vir musiek deel, bring hulle ’n natuurlike eerlikheid na die temas van liefde, vennootskap en ’n gedeelde toekoms. Van ’n eerste ontmoeting op die dansvloer tot die droom van ’n huis, kinders en ’n lewe saam, herinner “Ek Kort Jou” luisteraars aan die besondere waarde daarvan om iemand te hê met wie jy die lewe kan deel.
Die bekende sêding “’n Boer maak ’n plan, maar ’n vrou maak ’n man” voeg ’n verdere speelse element by dié liefdesverhaal en gee die liedjie ’n lekker herkenbare Afrikaanse karakter.
“Ek Kort Jou” is deur Shakira Peach geskryf en deur Hugo Ludik van Muse Studios vervaardig. Die resultaat is ’n moderne, energieke en radio-vriendelike snit wat Skemer se kenmerkende styl aanvul en die duo se musikale identiteit verder uitbou.
Die nuwe enkelsnit volg op hul vorige uitreikings, “Stroomop” en “Rigting”, en bou voort op Skemer se groeiende momentum in die Afrikaanse musieklandskap.
Met “Ek Kort Jou” bring Skemer ’n opgewekte viering van liefde, saamwees en die klein oomblikke waaruit ’n leeftyd se herinneringe gebou word.
“Ek Kort Jou” is vanaf 30 Oktober op alle digitale stroomplatforms beskikbaar. Die amptelike musiekvideo word ook op dieselfde dag bekendgestel.