Close Menu
Nuus

40 Dae en 40 Nagte-toer: Só lyk Neil en sy orkes se toerskedule!

FOTO: Verskaf

Die EMMY-benoemde akteur en SAMA-benoemde musikant, Neil Sandilands, het in April bevestig dat hy en sy orkes (Schalk Joubert, Frank Freeman en Ronan Skillen) hierdie winter, 2024, wéér ’n landswye toer onderneem. Soos belowe, is al die reëlings in plek, die venues is bevestig en die gehore het nou onmiddellike toegang tot die toerskedule, asook kaartjieskakels vir dié gewigtige gebeurtenis. Die toer strek oor 40 dae en 40 nagte en gehore kan uitsien na 35 vertonings in die uithoeke van ons land.

LEES OOK: Neil Sandilands en Die Band: 40 Dae en 40 Nagte Toer

Sandilands het vanuit Los Angeles, waar hy deelgeneem het aan die première van Kingdom of the Planet of the Apes (10 Mei-uitreiking), laat blyk dat die Land en Sand-toer in sy land van herkoms vir hom gelykwaarde dra aan só internasionale première. Die toer neem aanvang op 27 Junie by Die Oumeulteater in die Paarl en sluit af op 4 Augustus by The Alma Café in Kaapstad.

Sandilands bedank Hyundai Suid-Afrika, wat optree as vervoerborg van hierdie tamaai onderneming, asook al die venues wat betrokke is. “Dit bly my ’n voorreg om in hierdie soetste taal te kan werk skep,” voeg hy by.

Die musikale werke, kom vanuit Sandilands se bekende albums Sangoma Sandilands & Jou Pa se Posse, Allegaarkie vir ’n Askeet, Die Groot 5, Die Groot Niks, asook nuwe werke wat nog nooit opgeneem is nie. “Dit sal die eerste keer wees dat ek splinternuwe liedjies sing voor dit op ’n album verskyn. Dis baie opwindend!”

“Dis die lekkerste ding wat jy vir jouself hierdie winter kan doen. Bederf jouself tydens ’n aand van Neil Sandilands en Die Band dan gesels ons Land en Sand!”, lag hy.  Vandaar ook die titel van die toer.

Só lyk die toerskedule:

Die redaksiespan maak keuses oor wat, wie en waar op die webblad moet gebeur.

JY SAL OOK HIERVAN HOU: