FOTO: Tyler Walker – Big Red Photography
Beantwoord ’n eenvoudige vraag en staan die kans om een van twee kaartjies vir Posduif se konsert by Weiveld in Pretoria op Saterdag, 12 Oktober 2019 los te slaan!
Posduif se jongste enkelsnit Laat val die water, is onlangs vrygestel en hierdie treffende liedjie kan reeds op radiostasies landwyd gehoor word. Dié liedjie wat deur die groep beskryf word as ’n snit met ’n “lekkerluister-aanslag”, spog met dieselfde opbouende boodskap en unieke klank waarvoor Posduif bekendheid verwerf het.
Die groep is eerskomende Saterdagaand, 12 Oktober 2019 by Weiveld in Pretoria te sien. Kaartjies kos R70 per persoon en kan by Ticketpro gekoop word, maar daar sal ook kaartjies by die deur beskikbaar wees. Deure open om 19:00 en die vertoning sal om 20:30 begin.
Posduif beloof om ’n energieke vertoning na Weiveld te bring hierdie Saterdagaand soos nét hierdie 6-stuk groep kan! ’n Ondervinding wat enige musiekliefhebber beslig nie moet misloop nie! Hulle musiek vind aanklank by ’n wye gehoor en hulle goedvoelliedjies sal jou nie net in ’n goeie bui plaas nie, maar die unieke plaaslike ritmes sal jou ook uitnooi om saam te sing en dans.
Jy kan een van twee kaartjies na Posduif se konsert by Weiveld op Saterdag, 12 Oktober wen.
Inskrywingsmetode:
Beantwoord ’n eenvoudige vraag en staan die kans om een van twee kaartjies na Posduif se Weiveld-optrede te wen.
Inskrywingstydperk:
Inskrywings open Maandag, 7 Oktober om 10:00 en sluit Donderdag, 10 Oktober om 17:00.
Prys:
Een van twee kaartjies na Posduif se konsert by Weiveld in Pretoria.
Wie kwalifiseer om deel te neem:
Enige Suid-Afrikaanse burger kan deelneem, maar deelnemers jonger as 18 moet toestemming van hul ouers of voogde verkry.
Ander reëls:
– Die wenners sal telefonies in kennis gestel word en daarna op Afrikaanse Musieknuus se webblad aangekondig word.
– Die kompetisie voldoen aan die vereistes van die Verbruikersbeskermingswet.
– Wenners is verantwoordelik vir verblyf, sowel as vervoer van en na die konsert.
HIERDIE KOMPETISIE IS GESLUIT. DIE WENNERS WORD BINNEKORT AANGEKONDIG.