Spoegwolf en Jan Blohm gaan rock in Kirstenbosch

FOTO: Verskaf

Die alternatiewe musiekgroep, Spoegwolf en die multi-bekroonde sanger en liedjieskywer Jan Blohm, gaan op Sondag, 17 Maart dit uit rock by die pragtige Kirstenbosch Botaniese Tuin.

Dié konsert is een van die vele konserte in die Kirstenbosch Summer Sunset Concerts-reeks, wat vanjaar vir die 27ste keer aangebied word. Die Kirstenbosch Botaniese Tuin word as een van die mooiste tuin in die wêreld bestem.

Jan Blohm, wat vir die eerste keer tydens die konsertreeks sal optree, is van mening dat die mense baie geesdriftig is. “Ek speel met ’n volle band, ’n bietjie rock, ’n bietjie blues. Ons gaan liedjies vanaf die nuwe album en ou gunstelinge sing,” sê hy opgewonde.

“Jy kan Spoegwolf-liedjies verwag – all the time,” terg Chris von Wielligh van die groep Spoegwolf, wie se nuwe album, Koma, onlangs die nommereen plek op die Apple Music albumtreffersparade ingeneem het.

Kaartjies vir die opwindende konsert sluit toegang tot die pragtige tuin in. Bring dus jou piekniek mandjie of koop eet- en drinkgoed by die Moyo kostrok op die perseel.

“Kom asb. en geniet die dag saam ons, julle sal nie spyt wees nie,” moedig Jan verder aan.

Hekke open 16:00 en die konsert duur van 17:15 tot 19:00. Kaartjies kos R190 vir volwassenes, R160 vir 6 tot 21 jaar (ID word benodig) en kinders onder 6 kry gratis toegang.

Kaartjies vir die konsert is beskikbaar by Webtickets of uitgesoekte Pick n Pay-takke.

LET OP dat Webtickets die enigste aanlyn kaartjievennoot is. Kirstenbosch kan nie waarborg dat kaartjies wat van derde partye gekoop is geldig is nie. Vir aanlyn besprekings en betalings in die winkel kan jy jou kaartjies by enige Pick n Pay-tak afhaal; wat insluit PnP Clothing, Pnp Liquor en PnP Express.