Beantwoord ’n eenvoudige vraag en staan die kans om ’n dubbelkaartjie na Bobby en Karlien van Jaarsveld se In Ons Skoene-produksie in Polokwane los te slaan!
Ná twee suksesvolle aflewerings van Bobby en Karlien van Jaarsveld se unike musiekproduksie, In Ons Skoene – in Johannesburg en Kaapstad – kan inwoners van Polokwane hul vere reg skud vir die broer en suster.
Die konsert, wat slegs vir ’n beperkte aantal vertonings beskikbaar is, vind 27 September by Bolivia Lodge in Polokwane plaas.
Konsertgangers kan uitsien na verskeie treffers van Bobby en Karlien, ’n paar gunstelinge en ’n intieme blik op hul lewens in die kollig.
Die produksie is 90 minute lank en sluit ’n vyf-stuk orkes in. “Die produksie beloof om konsertgangers op ’n reis in Bobby en Karlien se skoene te neem, en ’n ander sy van hul te ontdek,” sê Wian Smith, organiseerder van die produksie.
Beide het reeds diep spore in die vermaaklikheids wêreld getrap. Hulle het al hoofrolle in flieks en musiekblyspele vertolk en natuurlik spog Karlien met die Strictly Come Dancing-troffee en Bobby as een van die The Voice SA-afrigters.
Jy kan ’n dubbelkaartjie vir Bobby en Karlien van Jaarsveld se In Ons Skoene-produksie in Polokwane losslaan.
Inskrywingsmetode:
Beantwoord ’n eenvoudige vraag en staan die kans om ’n dubbelkaartjie na Bobby en Karlien van Jaarsveld se In Ons Skoene-produksie in Polokwane te wen.
Inskrywingstydperk:
Inskrywings open Vrydag 7 September om 09:00 en sluit Vrydag 14 September om 09:00.
Prys:
’n Dubbelkaartjie na Bobby en Karlien van Jaarsveld se In Ons Skoene-produksie in Polokwane.
Wie kwalifiseer om deel te neem:
Enige Suid-Afrikaanse burger kan deelneem, maar deelnemers jonger as 18 moet toestemming van hul ouers of voogde verkry.
Ander reëls:
– Die wenners sal telefonies in kennis gestel word en daarna op Afrikaanse Musiek Nuus se webblad aangekondig word.
– Die kompetisie voldoen aan die vereistes van die Verbruikersbeskermingswet.
– Wenners is verantwoordelik vir verblyf, sowel as vervoer van en na die konsert.
HIERDIE KOMPETISIE HET GESLUIT. DIE WENNER IS DELMARIE STEYN.