FOTO: Verskaf
Leon Gropp is ’n Pretorianer en het die professionele wêreld van musiek amptelik betree as deel van ’n mansgroep, Hi-5, wat die land platgetoer het en selfs ’n optrede saam met Nataniël gehad in die Royal Albert Hall in London.
In 2007 het hy deel geword van die kitaarduo, CH2, wat oor die afgelope tien jaar ’n hele rits toekennings gewen het, waaronder Vonk-, SAMA- en Ghoema-toekennings vir Beste Instrumentele Album, en ook by die grootste feeste in die land opgetree het.
Hy het ’n Woordtroffee vir sy konsep-album Rooidag (NP van Wyk Louw getoonset en gesing) ingepalm gedurende 2018. Sy eerste solo-enkelsnit, en musiekivdeo vir Bakenlig is vroeër in 2018 vrygestel en pryk steeds op radiostasies se trefferparades landwyd. Sy tweede enkelsnit, Jy in my gedagtes, is later in 2018 vrygestel en net so goed ontvang.
Leon het ook gedurende September 2018 by die tydskrif-styl en televisieprogram, Ontbytsake, as aanbieder aangesluit en dit is reeds duidelik dat kykers mal is oor hom.
LEES OOK: Leon Gropp sluit by Ontbytsake-span aan
Vanaf 21 Februarie tot 5 Maart 2019 vat Leon die pad en toer vanaf Pretoria tot by die US Woordfees in Stellenbosch met solo optredes sowel as die produksie, Wolkedans waarvan hy deel is. Hierdie produksie is geskep deur Pierre Breytenbach, Leon Gropp en Zander van der Westhuizen en bestaan uit drama en musiek. Dit open amptelik by die US Woordfees, maar daar sal twee vertonings in Pretoria wees voordat die produksie Stellenbosch toe gaan.
Wolkedans vertel die storie van ’n man wat op pad is om sy verlede te konfronteer. Onverwagse interaksies met kleurryke karakters bring hom egter voor ’n keuse: sal sy verlede hom vashou of sal die eerlike waarheid hom bevry? Wolkedans is ’n musiekgedrewe teaterstuk wat lirieke met diepgang en elemente van folk, jazz en kabaret kombineer om gestalte te gee aan die worsteling van ’n hedendaagse karakter.
Kyk gerus hier na ’n video-onderhoud oor dié teaterstuk:
TOER DATUMS – WOLKEDANS:
PRETORIA
21 en 22 Februarie (UITVERKOOP). NG Tygerpoort se en Route Teater @19:30. R150. Ouderdomsbeperking 2-13 (Taal).
US WOORDFEES
4 Maart 12:00 & Maart 20:30. kykNET Fismer Saal. Kaartjies R130 p.p – Kaartjies aanlyn te koop by Computicket. Ouderdomsbeperking 2-13 (Taal).
TOER DATUMS – LEON GROPP SOLO:
23 Feb – Snobs Coffee in Trompsburg. Kaartjies: snobscoffeevs@gmail.com / WD by 072 110 7291
24 Feb – Tolbos in Patensie. Klik hier vir info en kaartjies.
26 Feb – George Arts Theatre. Klik hier vir kaartjies.
27 Feb – Seeplaas in Grootbrak. Klik hier vir kaartjies.
1 Maart – Ou Meulteater in Paarl. Klik hier vir kaartjies.
Maak seker jy woon een van Leon se vertonings by wanneer hy in jou area optree!