FOTO: Willem Botha
Die sangeres en deesdae ook aanbieder van die gewilde kykNET-werklikheidsreeks, Boer Soek ’n Vrou, Leah is terug met ’n splinternuwe enkelsnit wat beloof om diep in luisteraars se harte te kruip.
Dié enkelsnit, wat Ek Mag Jou Mis heet, is uit die pen van die uiters talentvolle Johan Vorster en vertel die verhaal van verbode liefde, maar met ’n positiewe en hoopvolle aanslag. Die liedjie het ook ’n lekker country gevoel en sal iets vars en nuut wees vir Leah-aanhangers wat gewoond is aan haar poptreffers of klassieke ballades.
Luister hier na ’n voorskou:
“Die inhoud praat met jou hart en siel, dit neem jou op ’n bekende reis met afdraaie en kruispaaie en so kan baie wat hierna luister met dit vereenselwig,” sê Leah oor die snit, wat eksklusief op die In Afrikaans Volume 3 versamel-album, beskikbaar is.
LEES OOK: Nóg ’n wonderwerk vir Leah
Die musiekvideo vir die nuwe enkelsnit word ook binnekort beplan, maar hieroor wil Leah nie veel verklap nie.