Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Karlien van Jaarsveld is weer swanger

Die sangeres, Karlien van Jaarsveld, is swanger met haar en die oud-rugbyspeler Joe Breytenbach se eerste kind.

Sy het die blye nuus op haar Facebook-blad gedeel.

“Ons is op die Amalfi-kus in Italië, dis asemrowend mooi hier – spesiale tye! Ek en Joe het gistraand baie gehad om te vier – ons het ‘n babatjie wat op pad is!!!! Ek kan nie glo dat ek wéér so bevoorreg en gelukkig kan wees nie. Dis nog ‘early days’, maar my hart loop oor van dankbaarheid,” het sy geskryf.

Dié paartjie het in Maart vanjaar die knoop deurgehaak.

Karlien het reeds twee ander seuntjies, Eliah en Daniël, by haar eksman, Derick Hougaard.