FOTO: Willem Botha
Suid-Afrika se liefling, Lianie May, doen dit weer met een van haar grootste treffers nog, na elf jaar in die bedryf.
Roepstem, wat geskryf is deur Johan Vorster en Christoph Kotze en vervaardig is deur Murray Lubbe, kry sy eie identiteit met die unieke stem van Lianie May.
Met dié lied bewys Lianie dat sy SA se boeremeisie is, dat sy boer en dat die land en mense vir haar baie beteken. “Sy bring soveel passie en gevoel in die liedjie in, en elke keer as sy die lied sing by haar vertonings, kry almal hoendervleis,” sê Janine Snyders, Lianie se media verteenwoordiger en agent.
Luister hier na ’n voorskou:
“Ons leef elke dag uit die hand van die Here, en as boere besef ons dit elke dag meer. Ons is niks sonder genade nie,” vertel Lianie op haar beurt.
As volk kan ons en het ons altyd saam gestaan, en die liedjie gee weer hoop en net weer moed om die roepstem van ons Vaderland te hoor. Dit is ook nostalgies omdat baie van ons ouers geveg het in die ou-dae om ons identiteit te behou.
“…Kan jy jou afkoms steeds nog onthou, hoe daar geveg was op die grense, vir jou land en vir jou mense. Met die tekens van ’n Volksmoord, wat nou voor ons deure lê. Hoor jy die roepstem van ’n Vaderland wat roep…,” lui die hoendervleis lirieke.
Roepstem is beslis ’n liedjie wat nog Volksbesit kan word.