Tencent Africa se splinternuwe musiekstroom-app, JOOX, wat Suid-Afrikaners in staat stel om musiek gerieflik te ontdek en te luister waar hulle ookal is, is nou propvol Afrikaanse treffers.
En baie van dié Afrikaanse musiek is eksklusief op die app.
JOOX is gepak met verskeie treffers en honderde speellyste vir elke bui. Die app bied ’n gratis sowel as ’n betaalde VIP-opsie, wat gebruikers in staat stel om musiek te stroom sonder om jou data te gebruik. Nóg ’n voordeel is drie verskillende stroom-kwaliteit-opsies wat gebruikers toelaat om hul data te beheer.
Brett Loubser, uitvoerende hoof van Tencent Africa Services, het gesê JOOX het reeds in die vier markte waar dit vrygestel is, die ander musiekstroomdienste uitgestof. “Die kombinasie van ons opkomende markte-musiekmodel en die ervaring van ons plaaslike span, maak JOOX ’n eerste vir Suid-Afrika.”
Benewens al die plaaslike Suid-Afrikaanse musiek wat reeds op die app is, het Coleske Artists, die vervaardigers van Afrikaanse is Groot, ook hulle musiek eksklusief vir musiekstroming op JOOX gelaai.
Volgens Arnold Coleske, hoof van Coleske Artists, bied JOOX ’n unieke platform om seker te maak kunstenaars se musiek is digitaal beskikbaar vir hulle gehore. “Die tegnologie en sake-moontlikhede wat Tencent na die tafel bring maak dit moontlik om voort te bou op die gehalte wat ons aan ons gehore bied. Ons kon nie anders as om daarby betrokke te raak nie.”
“JOOX is werklik goeie nuus. Ek is opgewonde dat my musiek saam met vele ander kunstenaars soos Die Heuwels Fantasties, Jay, Riana Nel. Laurika Rauch en Steve Hofmeyr op JOOX beskikbaar is. Die lekker ding van die app is dat dit maklik is om te gebruik,” het die bekende sanger en TV-aanbieder Bobby van Jaarsveld gesê.
Ook Brendan Peyper, een van dié sosiale media bekendes in die Afrikaanse musiekbedryf, kan nie uitgepraat raak oor JOOX nie. “My gehore is konstant op hul selfone en dit is hul primêre kommunikasie-medium. Ek is opgewonde dat hulle nou ook al my musiek op JOOX kan luister en ontdek. Ons kan nie stilstaan met tegnologie nie,” het hy gesê.
Die sangeres Monique Steyn, wie se nuwe album Mosaïek reeds op JOOX beskikbaar is, sê die belangrikste vir haar is dat die app so gebruikersvriendelik is. “My vriende kan nie glo hoe maklik dit is om die musiek te luister en watter spesiale funksies daar op die app is nie. Dis veral handig om jou speelyste op jou foon te stoor sodat jy nie data hoef te gebruik as jy byvoorbeeld ry nie,” het sy gesê.
Volgens Loubser het JOOX kontrakte met verskeie internasionale platemaatskappye wat ’n wye verskeidenheid internasionale musiek en treffers op die platform verseker. Plaaslike inhoud maak die spektrum van inhoud wyer en bou ’n sinvolle sakemodel vir Suid-Afrikaanse kunstenaars.
Gebruikers wat JOOX aflaai kry hul eerste maand gratis VIP-toegang sowel as die Feemium-opsie. Die betaalde VIP-funksie sal daarna R59.99 per maand kos en twee weke se VIP-toegang sal jou R29.99 kos.
JOOX kan nóú gratis afgelaai word in die Google Playstore en in die IOS-App store. Vind meer uit oor JOOX hier.