Het jy nog altyd daarvan gedroom om te dans in Afrikaans? Wel jou droom het pas waar geword mits jy in Port Elizabeth, Jeffreysbaai of Hartenbos is dié Desember. Die gewildste uithangplek, Weiveld vat die pad vir ’n roadtrip.
Die sanger Jay gaan van sy grootste treffers sing, waarna DJ Wesley die lekkerste dansbaan treffers gaan speel. Dié toer is slegs in drie plekke en vir slegs een aand.
20 Desember skop die toer in Port Elizabeth af en inwoners kan uitsien na die partytjie by Open Sky. Kaartjies beloop R120 vir die geleentheid.
Daarna stop die toer in Jeffreysbaai en kan vakansiegangers kom kuier by Jolly Dolphin. Kaartjies vir die aand sal jou R100 uit die sak jaag.
Die toer sluit egter af in Hartenbos by die Walvissaal. Kaartjies sal R80 per persoon wees.
Teken dié datum aan en kom kuier saam.
Volg gerus Weiveld op Facebook en Twitter vir die jongste nuus.
Die toer word moontlik gemaak deur KWV, Castle Lite, Hunters, Omega, Red Heart, Savanna, Libarato en CO Productions.