Franja is gereed om die somervakansie behoorlik aan die brand te steek met haar splinternuwe enkelsnit, “OE LA LA”, wat op 14 November uitgereik word.
Hierdie energieke poptreffer is alles wat jy nodig het vir ’n onvergeetlike somer – vol ritmes, son en spontane dansmoves. “OE LA LA” is daardie liedjie wat jou roadtrip, stranddag of aand saam met vriende gaan omskep in ’n fees van lekkerkry.
“Dis die vibes wat jy voel, dis die hitte in die lug… Oe La La!”
Met haar onmiskenbare stem en sprankelende popstyl, wys Franja hoekom sy een van die top vroulike kunstenaars in die Afrikaanse musiekbedryf is. “OE LA LA” is propvol daardie tipiese Franja-vonk — energiek, aansteeklik en gemaak om luid te sing.
Die lied is ’n gatskop-partytjietreffer wat jou nie sal laat stil sit nie en beloof om die klankbaan van hierdie somer te wees. Maak dus seker “OE LA LA” is op jou kuier-playlist wanneer die klok lui vir vakansie of sommer al hierdie naweek!
Die liedjie sal beskikbaar wees op alle digitale platforms, insluitend Spotify, Apple Music, YouTube Music en meer. Die musiekvideo, vervaardig deur Gerduan Kemp, word op dieselfde dag vrygestel – nog ’n rede om dié somer met “OE LA LA” af te skop!