FOTO: Verskaf
Die country-ster en uithaler kitaarspeler, Jason Bradley, toer tans in Gauteng. Ons het gaan uitvind waaroor dié toer gaan:
Vertel ons ’n bietjie meer van jou toer.
Hierdie toer is definitief iets om nie te mis nie, met ’n besonderse konsep, span en van die beste en mooiste venues in Pretoria gaan hierdie vertonings iets wees wat ’n mens nie gou sal vergeet nie. Dit is ’n ‘close and personal’ toer om mense die geleentheid te gee om my te leer ken vir wie en wat ek is… ’n doodgewone man met ’n massiewe droom en ’n Fender-kitaar.
Waarna kan mense uitsien wanneer jy op die verhoog is?
’n Vars, opwindende nuwe klank wat mense op hul stoele gaan hou, maar ook wat hul gaan laat wil op spring en begin skoffel (15 Februarie by Rafters saam die band is geskik vir so ’n skoffel-aand). Die mense sal my as mens leer ken en hulle sal definitief uitsien na die nuwe album vrystelling in April.
As jy jouself in vyf woorde kon opsom, wat sou dit wees?
Ek is freakin baie awesome! Haha, natuurlik met die beste span agter my! Sonder hulle kan ek nie doen wat ek doen nie.
Ons het gehoor daar is ’n nuwe album op pad. Kan jy al meer verklap?
Hierdie album is regtig iets besonders. Ons het drie jaar gesoek en geskryf aan liedjies en net die beste gekies. Natuurlik met top vervaardigers in ons land Bruce Wallace en liedjieskrywers vanuit Nashville Tennessee, is hierdie produk iets om my bors trots te laat staan. Dit is ’n vars, nuwe klank – dit gaan definitief die mense se asems wegslaan. Ek weet nie hoe om dit te verduidelik nie, julle sal self kan kom hoor 10 April by Atterbury Teater!
Waarom moet mense kaartjies koop vir jou toer?
Die toer, soos ek gesê het, is iets besonders. Die ondersteuners sal ’n kans kry om deel te wees van die optrede en sal die mens agter die Fender-kitaar persoonlik leer ken met 100% suiwer musiek. Die toer vat hulle van geboorte tot waar ek vandag is, met al die verskillende musiek en klanke deur die jare, tot en met die Jason Bradley wat hulle vandag ken. Daar sal lag, trane en sommer net joligheid wees! Dit is iets om na uit te sien en ook iets om nie te vergeet nie.
Hier’s die volledige toer-skedule:
