FOTO: Verskaf
Die stelling, ‘gaan groot of gaan huis toe’, is heel gepas wanneer dit kom by die sanger en voormalige Romanz-ster, André Venter. Hy het onlangs kragte gesnoer met twee multi-bekroonde en internasionale musieksterre van die VSA en Kanada om die nuwe supergroep, reBORN, te skep.
Die goeie nuus is dat Suid-Afrikaaners die eerste voorsmakie van hul debuut-enkelsnit, Invade, sal kan hoor. Dié enkelsnit kom uit die pen van reBORN se drie lede – André Venter (voormalige Romanz-lid en solo-kunstenaar), Ben Utecht (Dove genomineerde en NFL Super Bowl kampioen) en Mark Masri (Grammy-genomineerde).
Luister hier na ’n voorskou:
“Die groep bestaan uit drie manne van drie nasies met drie verskillende stories. Die groep is die geboorte van ’n nuwe pad in al drie van ons se loopbane,” vertel André.
Mark het onlangs mee geding teen kunstenaars soos Céline Dion en Sarah McLahlan vir die Juno toekenning (die Kanadese Grammy-toekennings) vir Kontemporêre album van die jaar terwyl Ben ’n bekende spreker en skrywer is.
reBORN se montor is die Grammy-wenner Bill Gaither van Gaither Vocal Band en een van die mees suksesvolste sangers en liedjieskrywers in die geskiedenis van Amerika.
Oor sy mentorskap, sê hy: “Dis die tipe mans wat met die harte van ’n nasie kan praat, wanneer hulle saam gebring word.”
reBORN se musiek is nou op alle digitale platforms beskikbaar.