FOTO: Pexels
Die Afrikaanse musiekbedryf het vanjaar verskeie juwele opgelewer – van Refentse se Liefdesgenerasie tot Die Kontrak se Demi Lee Moore!
Hier is vyf albums wat ons dié jaar die meeste beïndruk het:
5. Jan Blohm – Die Liefde Album
Jan Blohm het weer die kollig betree en dié keer kan mens die volwassenheid in sy stem hoor. Die Liefde Album is soos om ’n roman te lees.
4. Refentse – Liefdegenerasie
Met Refentse se nuwe album, Liefdegenerasie, het dié talent in volkleur begin blom. Hy het met die album, wat uit twaalf snitte bestaan, dieper as ooit gedelf om ’n ryke en eiesoortige musikale skat te ontgin.
3. Tarryn Lamb – Mal Oor Jou
Tarryn Lamb, wat ook die voormalige hoofsanger van die trio Blackbyrd was, het soos ’n vars briesie in die Afrikaanse musiek mark ingewaai. Mal Oor Jou bevat veertien sielvolle treffers wat hoofsaaklik uit die pen van Johan Oberholzer kom.
2. Demi Lee Moore – Mis Eet Slaap Herhaal
Die Kontrak-wenner, Demi Lee Moore, se debuutalbum Mis Eet Slaap Herhaal bevat vier oorspronklike treffers uit die pen van Johan Oberholzer asook die trefferduet met Monique Steyn, Diane, soos opgevoer in die reeks. Die album het goue status bereik twee weke nadat dit uitgereik is.
1. Douvoordag – Die Avontuur
Die duo, Douvoordag, se langverwagte debuutalbum Die Avontuur was die wag werd. Hul unike klanke en poëtiese lirieke is besonders.
