Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Suzzi Swanepoel se nuwe enkelsnit is hier

Die sangeres en veldaanbieder van die kykNET NOU!-program Jukebox, Suzzi Swanepoel, se splinternuwe enkelsnit is pas uitgereik.

Man Vir My is die vierde enkelsnit van haar debuutalbum, Stukkies Van My.

Die album vertel van die verskillende emosies van liefde en hierdie enkelsnit, beeld die ongekende geluk van verliefdheid uit, maar ook die vreugde dat jy jou sielsgenoot gevind het.

“Dit is ’n wonderlike gevoel om gelukkig te wees en te weet dat jy iemand het wat deur dik en dun by jou sal staan,” vertel sy.

Met die musiekvideo, wat ook vrygestel is, wou  Suzzi ’n dag in die lewe van ’n paartjie uitbeeld. ’n Sondagmidag op die strand en roomys-eet by die promenade – ’n uitstappie wat deur albei gekoester word.

Kyk die musiekvideo hier:

 
“Ek was toevallig in Kaapstad vir die Silwerskermfees en het besluit om twee nuwe musiekvideos daar te skiet – Man Vir My en dan ook Blou Sweeties, met ’n rock-aanslag, wat vroeg volgende jaar vrygestel gaan word,” verklap die sangeres.