FOTO: Picture Perfect
Rocco de Villiers se splinternuwe enkelsnit, Wat Om Te Dra Agter Op ’n Bakkie, is pas uitgereik en hierdie liedjie gaan jou verseker na die dansvloer lok!
Die stuk se inspirasie het voortgespruit uit ’n ware gebeurtenis in die Karoo, waar Rocco met een van sy flambojante uitrustings agter op ’n bakkie 38km moes ry, nadat die motor waarin hy op pad was na die show, gebreek het. Kraaie het die bakkie vir 38km gevolg… net in Suid-Afrika ry ’n pianis 38km met blink klere agter op ’n bakkie om by ’n show te kom!
LEES OOK: Rocco de Villiers betower met kortbroek, langkouse!
Die musikant se veertiende instrumentale album, kortbroek, langkouse, is gedurende Julie 2018 bekendgestel en bou voort op die unieke klavierstyl, eiesoortige komposisies en verwerkings waarvoor hy bekendheid verwerf het.
Die nuwe vrystelling spog met tien splinternuwe oorspronklike werke, uit sy eie pen, asook vier van sy gewildste treffers vanaf vorige albums, wat Kla 2 Kla 3 Kla 4, Anna Aeroplane, Roccobilly en Escape from the Ordinary Life (die temamusiek van RSG se weeklikse kunsprogram op Dinsdagaande) insluit.