FOTO: Verskaf
Het jy al gewonder waarna jou gunsteling musieksterre luister wanneer hulle op die langpad is? Brendan Peyper en Snotkop, wat beide op 28 en 29 Julie in Pretoria en 4 Augustus in Kaapstad tydens die gewilde Krone 5 konsert te sien is, deel hul gunsteling musiek in ’n Apple Music-speellys.
Die Krone-konsep is uiters gewild, tog baie eenvoudig: die grootste plaaslike en internasionale ranglys-treffers van toeka tot nou, die gewildste kunstenaars in SA en ’n gehoor wat in karaoke styl oorgehaal is vir ’n lekker saamsing jol.
Al die treffers word saamgestring in energiebelaaide, slim verwerkte keurspelle met woorde wat op die grootskerm vertoon word – ’n ideale geleentheid vir enige iemand, van die toekomstige top 20 nommer een tot diegene wat liefs hulself by stort-concertos moet bepaal, om lekker saam te sing totdat hul stemme nie meer kan nie!
LEES OOK: Krone 5 gerat vir Pretoria én Kaapstad
Brendan verkies ietsie van Elandré, Kurt Darren, Imagine Dragons, Ed Sheeran en Taylor Swift, terwyl Snotkop op sy beurt Liezel Pieters, Robbie Wessels, Jo Black en selfs Justin Bieber verkies.
Krone 5 vind vanjaar plaas by die Sun Arena van Time Square in Pretoria asook in die GrandWest Arena van Grand West in Kaapstad. Kaartjies vir die konsert is nóú beskikbaar by iTickets.
Luister hier na Brendan se speellys:
Luister hier na Snotkop se speellys: