Elkeen het bagasie, uitgetrapte skoene en ’n padkaart na hoop…
In ons Skoene is eksklusief, uniek en slegs vir ’n beperkte aantal optredes beskikbaar – Bobby en Karlien van Jaarsveld sing hulle treffers, gunsteling liedjies en vertel meer van hulle lewensreis.
Hierdie 90 minute produksie met ’n vyfstuk orkes, sal jou op ’n reis in hulle skoene neem.
Beide Bobby en Karlien het al diep spore in die musiekindustrie getrap. Albei het al hoofrolle vertolk in musiekblyspele en ook in films. Karlien was die algehele wenner van Strictly Come Dancing en Bobby natuurlik ’n afrigter in The Voice SA.
Vir die eerste keer doen hiérdie broer en suster ’n hele produksie saam, op een verhoog, en deel hulle reis. Die produksie beloof om aanhangers op ’n reis te neem in die skoene van Bobby en Karlien van Jaarsveld en aanhangers sal hulle op ’n ander vlak leer ken!
Soos in Bobby en Karlien se TV-program waar hul terug gee aan liefdadigheid, word elke persoon wat na In ons Skoene kom kyk gevra om ’n paar skoene saam te bring wat aan Hanna Charity and Empowerment Foundation geskenk gaan word vir verspreiding.
Die eerste vertoning vind by die Theatre of Marcellus by Emperor’s Palace in Johannesburg plaas op 21 Maart 2018. Kaartjies is nóú beskikbaar by Computicket.
Dié vertoning word met trots aangebied deur Johan Ungerer Signature Events en Lasting Legacy Entertainment.