Die Heuwels Fantasties se Borrels vir Kersfees is net betyds! Almal kort ietsie vir die gekerfde senuwees rondom die feesgety.
“Borrels vir Kersfees is vir samesyn en geluk en help miskien om so bietjie te vergeet en ook te vergewe,” sê Hunter Kennedy.
Nie een van die manne in dié gewilde groep kan wyn maak nie, maar hulle geskiedenis lê maar daar in die Boland-wynroete en hulle hou van Chardonnay Pinot Noir-vonkelwyn. Die ryp vrugtige neus en sappige droë afwerking maak dat Borrels vir Kersfees Chardonnay Pinot Noir die ideale vonkelwyn vir enige geleentheid is.
“Ons aanvanklike idee was om die musiek te gebruik om eendag ’n wynplaas/studio te besit. Nie een van ons weet enigiets van wynmaak af nie, maar gelukkig en met die hulp van Van Loveren is ons nou een stappie nader aan ons onrealistiese droom!” lag Pierre Greeff.
Die Heuwels Fantasties was te sien in die uitverkoopte Afrikaans is Groot vertonings by die Sun Arena, Times Square by Menlyn Maine.
Hulle album OKAY! is in Mei vanjaar uitgereik en op JOOX beskikbaar. Laai die app gratis af en gebruik die unieke kode “Lumico2” vir VIP-toegang.