Bobby van Jaarsveld het onlangs sy nuwe musiekvideo vir die splinternuwe enkelsnit, Net ’n Man, geskiet. Dié video is op 15 September in die middestad van Pretoria opgeneem.
Die liedjie is die eerste enkelsnit vanaf sy splinternuwe album wat volgende jaar vrygestel gaan word. Die liedjie is reeds eksklusief beskikbaar op die Afrikaans is Groot volume 10 versamel album.
Vir die video het Bobby 4 dubbelgangers nodig gehad om as sy ewebeeld op te tree. Die publiek is aangemoedig om in te skryf en ongeveer 100 inskrywings is ontvang. Nadat Coleske Artists die top-10 gekies het, moes Bobby die finale besluit neem oor wie sy vier ewebeelde gaan wees in die musiekvideo.
Die vier manne is: Ruan Nel, Morné Erasmus, André Vermeulen en Marnus Ferreira.
Kyk hier na die musiekvideo:
“In die liedjie Net ’n Man sing Bobby dat hy net ’n gewone man is vir sy vrou en nie ’n digter of ’n koning nie. Die vier dubbelgangers sal die mense vertolk wat Bobby nié is nie” sê Johan C Venter van Coleske Artists.