Joe Foster en Tussen Sterre snoer kragte saam vir ‘Fos*Ster’

Wat gebeur wanneer Joe Foster en Tussen Sterre saam begin kuier, werk en planne maak? Hulle tree saam op, en word Fos*Ster gedoop.

Fos*Ster stel hul nuwe samewerkingskonsert bekend en dit beloof om ’n groot jol te wees! Die verhoog gaan behoorlik ontplof met beligting, multimedia, massiewe klank, verhoogdekor en bekende treffers die een na die ander wat beloof om jou aand te verander in ’n ervaring soos geen ander.

Joe en die Tussen Sterre-manne doen saam ’n paar lekker treffers, asook afsonderlik. Jy word verseker van die beste van beide wêrelde.

Maak seker jy stof jou dansskoene af, want as jy lief is vir dans – gaan jou voete jeuk! Wees verseker, sit of staan, jy gaan ’n jol hê.

Bespreek Fos*Ster nóú vir jou funksie, fees, skou of partytjie. Stuur gerus ’n e-pos aan Stefanie of Wian by stefanie@themarketingzoo.co.za of wian@themarketingzoo.co.za.