Johan Anker het aanhangers van The Voice SA uit die staanspoor beïndruk toe hy in 2016 stoele laat draai het in die eerste seisoen van dié werklikheidsreeks, met sy hoendervleis-mooi weergawe van Hallelujah.
Ons het by dié sanger gaan aanklop vir tien pret feite wat jy dalk nie van hom geweet het nie!
- Hy doen stamina en asemoefeninge deur te sing en te hardloop gelyktydig.
- Hy is ’n oggendmens en is reeds 04:15 soggens wakker om te gaan oefen en bieg dat hy teen 23:00 lekker kortaf kan wees.
- Sy gunsteling peuselhappie is roomys.
- Hy het as stut vir sy skool se rugbyspan uitgedraf.
- Een van sy vele talente is om te skilder en hy spog met ’n 96% slaagsyfer in visuele kuns.
- Hy is dolverlief op die strand en gaan swem selfs in die winter.
- Hy het ’n obsessie met Nike-tekkies en besit sowat nege pare daarvan.
- Hy raak nie vinnig kwaad nie.
- Hy is soms verstrooid en vergeet gewoonlik waar hy iets sit.
- Sy gunsteling liedjie op die oomblik is No Longer Slaves van Bethel.
Laai nóú Johan Anker se album Hoop & Bid op iTunes af of stroom dit op Apple Music.