Liedjie, die eerste Afrikaanse musiekstroomdiens, bied die ideale klankbaan vir jou daaglikse lewe en Afrikaanse Musiek Nuus is dáár. Danksy tegnologiese vordering kan jy nou enige tyd, en op enige plek met jou slimfoon na jou gunsteling musiek luister.
Byna elke Afrikaanse kunstenaar onder die son se musiek is op die app.
Wat is ’n musiekstroomdiens, en waarom is dit nuttig?
Dis ’n aanlyn platform wat jou in staat stel om teen ’n vasgestelde maandelikse fooi na amper enige liedjie te luister.
Wanneer ’n mens musiek stroom, luister jy deur ’n internetverbinding regstreeks daarna jy laai nie die snit af nie.
Danksy die Liedjie-app kan jy dus wanneer jy wil na die musiek van jou keuse luister. Jy beheer heeltyd wat jy hoor; anders as ’n radiostasie, waar die omroeper besluit watter liedjie volgende gespeel word.
Hoe werk dit?
Sodra jy die Liedjie-app op jou foon afgelaai en aangedui het hoe jy gaan betaal (sien onder), kry jy 30 dae gratis toegang en kan jy na hartelus luister na al die musiek waaroor jy mal is.
Boonop is dit maklik om die app te gebruik. Kies ’n kunstenaar, speellys of gaan direk na Afrikaanse Musiek Nuus op Liedjie, en daarna sal die musiek begin speel. En vir jou gerief kan jy jou gunstelinge met ’n ster-ikoon merk om gou weer daarby uit te kom.
Kan ek sonder ’n internetverbinding na musiek luister?
Ja en nee. Sodra jy een keer na ’n liedjie geluister het terwyl jou selfoon aan die internet verbind was, kan jy op die vliegtuig-ikoon klik. ’n Weergawe van die liedjie sal dan op jou foon se geheue gelaai word en jy sal sonder ’n internetverbinding daarna kan luister.
Hoeveel data gebruik Liedjie?
’n Snit van 3 minute gebruik gemiddeld 1,3 MB data; daarom word aanbeveel dat jy Wi-Fi gebruik. Jy kan die app stel dat jy net in Wi-Fi-gebiede toegang daartoe het. Onthou om die vliegtuig-ikoon (sien hierbo) te gebruik sodat jy buite ’n Wi-Fi-gebied na jou gunstelingsnitte kan luister sonder om data te gebruik.
Hoeveel kos dit?
Jy kan die Liedjie-app gratis van die Google Play Store aflaai. Sodra jy ’n betaalmetode (sien onder) verskaf, kry jy 30 dae gratis toegang, waarna die maandelikse fooi R49,99 beloop.
Apple iPhone-gebruikers wat deur die app registreer, betaal R59,99. Jy kan ook registreer by speel.liedjie.com om die R49,99-aanbod te benut. Daar is geen kontrakte of verpligtings nie.
Let wel: Liedjie is tans net in Suid-Afrika beskikbaar.
Hoe betaal ek?
Gebruik ’n kredietkaart of betaal kontant deur die VCPay-opsie op die app. Jy kan jou intekening enige tyd kanselleer.
Op hoeveel toestelle kan ek Liedjie gebruik?
Jy het op jou selfoon, tablet en rekenaar toegang daartoe, maar wel net deur een van die toestelle op ’n slag.
Kry vandag nog Liedjie in die Google Play Store en op iTunes.
Besoek ook hul webtuiste vir meer inligting.