M-Net het pas bevestig dat ’n tweede seisoen op pad is van The Voice SA – boonop is oudisies vir die tweede seisoen om die draai.
Hierdie keer gaan oudiesies ook in Port Elizabeth afgelê word. Die eerste oudiesies word op Woensdag, 12 Oktober in PE gedoen by The Beach Hotel. Daarna kan die Kaapenaars reg maak vir oudiesies op Saterdag, 15 Oktober en Sondag, 16 Oktober by Belmont Squere in Rondeboch. Woensdag, 19 Oktober kan Durbaniete hul stemme opwarm vir oudiesies by The Growth Point Kings Park Stadium terwyl die laaste oudiesies in die goud stad Johannesburg afgelê sal word op Saterdag, 22 Oktober en Sondag, 23 Oktober by Sasani Studios in Balfour Park.
Lees ook: The Voice is op pad – na kykNET NOU!
Gedurende dié oudisies, wat nie opgeneem word nie, kry deelnemers die kans om voor ’n groep anonieme musikale kundiges te wys waarom hulle moet deur dring na die ‘blinde oudisies’. Dis ook hier waar vier van Suid-Afrika se top musikante sal kies wie uiteindelik as The Voice SA reeks twee se wenners sal wegstap.
Die eerste seisoen se wenner Richard Stirton, het reeds die iTunes-rangleer geklim. Die naaswenner, Gavin Edwards het ook reeds sy naam in die musiekbedryf gevestig. Vernon Barnard het onlangs sy eerste enkelsnit vrygestel.
Deelnemers moet ouer as 18 jaar wees en ’n Suid-Afrikaanse burger wees om deel te neem. Diegene wat nie by lokale reg oor die land kan uitkom nie, kan aanlyn inskryf. Daar sal lang toue by die venues wees so wees maar geduldig moedig M-Net deelnemers aan. Bring jou ID, sambreel, sonroom en genoeg water om seker te maak jy is reg vir jou oudisie.
The Voice SA sal in Januarie 2017 die kleinskerm tref en die mentors sal later bekend gemaak word. Volg gerus The Voice SA op Facebook, Twitter en Instagram vir nuus en gebruik die hutsmerk #TheVoiceSA.