FOTO: Afrikaans is Groot Facebook
Met sy smeulende stem het hy nie net een van die aanbieders in vervoering gehad nie, maar duisende kykers wat weekliks ingeskakel het vir Die Kontrak.
Toe Wilha Carstens dié gewilde sangkompetisie moes verlaat nadat die groot baas sy kontrak opgeskeur het, was Karlien van Jaarsveld in trane en talle kykers teleurgesteld.
Maar nou kan kykers juig want Wilha spog uiteindelik met dit wat hom toekom: ’n Coleske Artists-platekontrak. Nie net werk Wilha as bestuurder by ’n gewilde restaurant-teater in Pretoria nie, hy tree ook gereeld daar op. En het homself met mening bewys…
Ander Die Kontrak-deelnemers wat ook met ’n Coleske Artists-kontrak spog is Demi Lee Moore, Ivan Roux en Tasha.
“Wilha het ’n ongelooflike mooi stem wat mense se hart soos botter laat smelt en ons kan nie wag dat julle sy musiek moet hoor,” het Johan C Venter, bemarkingsbestuurder by Colekse Artists, gesê.
Wilha se eerste enkelsnit onder die Coleske-vaandel sien einde Februarie die lig.