Toe Kara, oftewel Samantha, haar braaibroodjie-resep met die ganse TikTok gedeel het, het dit soos ’n veldbrand versprei. Want jy sien, die eintlike roomerige Suid-Afrikaanse braaibroodjie word volgens die jong musiekster Ziané Saayman as volg gemaak:
“Jy kry die brood, smeer die botter, en dan die ui – en nee, nie die hele uie nie, dun snye van die ui. Op die ander broodjie sit jy die kaas, tamatie en die belangrikste is die ‘sousie’. Dís die geheim. Meng mayonnaise en blatjang en sit dit op. Daai is ’n wenner-braaibroodjie. En natuurlik vra jy jou liefie om dit vir jou te braai.”
Die braaibroodjie-resep het ook Ziané se enkelsnit “Braaibroodjie Reël” geïnspireer. Volgens hierdie 18-jarige sangeres is die reël in haar huishouding dat wanneer jy ’n wenner-braaibroodjie aanmekaar kan slaan, jy ’n oopmondsoen kry. “Dis ’n reël wat al lank in ons huis staan,” vertel sy.
Ziané sê die liedjie is ’n Afrikaanse popliedjie. ’n Video waar sy die reël verduidelik, is al meer as ’n miljoen keer op TikTok gekyk. Dit wys net hoe groot invloed kos en musiek op mekaar kan hê – veral in Suid-Afrika waar braai amper ’n nasionale sport is!
Ziané Saayman het aan die Hoërskool Swartland op Malmesbury gematrikuleer. Benewens sing, hou sy ook van fotografie, grimeerkunswerk en om inhoud te skep vir sosiale media. Hierdie jong talentvolle kunstenaar maak nie net musiek nie, maar dra ook by tot die lekkerste kombuisgeheime op die internet.
Kyk die musiekvideo hier:
Luister gerus na hierdie tong-in-die-kies liedjie en vertel ons bietjie – hoe hou jy van jou braaibroodjie?