Die somer is hier en saam met die son, see en sand kom daar dikwels ’n onverwagte vakansieromanse – daardie bitter-soet liefde wat jy met hart en siel beleef, net om te besef dat daar honderde kilometers tussen julle is wanneer die vakansie verby is. Dit is ’n gevoel wat baie van ons ken, en ook een wat Dirk van der Westhuizen te goed verstaan. Daarom het hy en Emil Paul besluit om ’n lied te skryf wat hierdie emosies vasvang: “Kommie Kommie” – ’n super-vangsomer-treffer wat jy nie gaan kan uit jou kop kry nie!
Met lirieke soos “Kommie Kommie, kom bietjie nader” is die lied ’n smeekbede vir daardie spesiale vakansieliefde om nie te verdwyn nie, maar eerder nader te skuif en die romanse verder te vat. Dit is daardie magtelose roep wat ons almal al gevoel het – ’n hoop dat die liefde nie net ’n somerflikkering bly nie, maar dalk iets meer kan word.
Die lied is propvol energie en passie, en met Dirk se kenmerkende klank en aansteeklike ritmes, beloof “Kommie Kommie” om die dansvloere regoor Suid-Afrika aan die brand te steek. Of jy nou by ‘n strandpartytjie is, op ’n langpad-avontuur, of net in jou kamer dans, hierdie lied gaan jou terugneem na daardie spesiale oomblikke van liefde en avontuur.
Kyk die musiekvideo hier:
Maak seker jy luister vanaf 14 Februarie na Dirk van der Westhuizen se “Kommie Kommie”, en herleef daardie romantiese memories terwyl jy die somer ten volle geniet!