FOTO: Verskaf
Sy het die land warm gesing met haar treffer Tekkies Brand en nou is sy terug met ’n ‘plan’. Irene-Louise van Wyk se nuutste oorwurm Maak ’n Plan is gerat om enige dansvloer daai ekstra woema te gee.
Musiek is Irene-Louise se tweede taal met haar ma, die sangeres wyle Irene van Wyk en haar pa Louis van Wyk, die bekende musiekpromotor.
Maak ’n Plan volg in die suksesvolle voetspore van liedjies soos Vergeet Van My, Sjampanje, Hou jou hande van my lyf af, My Volgende Fout, Kuierleier en Tekkies Brand. Laasgenoemde het sedert Augustus 2021 op die nommer een posisie op Apple Music geboer en meer as 2.4 miljoen trefslae op YouTube geniet. Op TikTok het meer as 4 miljoen mense reeds na video’s met die klankgreep gekyk.
Kyk die musiekvideo van Maak ’n Plan hier:
Irene-Louise het ook twee splinternuwe treffers, een saam met Jay getiteld My Volgende Fout, wat reeds binne vyf dae na die 3de plek op Apple Music gespring het. Sy het ook nog ’n lekker kuier en dans treffer getiteld KuierLeier, wat ook op alle digitale platforms beskikbaar is.
Irene spog ook met vier Afrikaans is Groot-toekennings, drie goue status toeninnings vir die musiekvideo van Hou Jou Hande van my Lyf af, die liedjie My Volgende Fout saam Jay en die musiekvideo vir Tekkies Brand. En dan natuurlik een platinum toekenning vir Tekkies Brand.
Irene-Louise is ook in 2018 vir twee Ghoema-toekennings benoem, naamlik publiek se gunsteling vroulike kunstenaar en beste popalbum deur ’n vroulike kunstenaar.
Sy hou egter haar voete plat op die aarde en vertel dat die musiekbedryf haar geleer het om nederig te bly en dat jy die vrugte sal pluk as jy hard werk.