FOTO: Verskaf
Die broer-trio 1925Band – Reno, Jeff en David-Lee Gericke – deel nie net ’n passie vir musiek nie, maar sing ook perfek in harmonie saam.
In 2016 het die groep naam gemaak met hul enkelsnit Eintlik Nogal Baie. Hierdie snit was nie net die titelsnit van hul debuutalbum nie, maar ook die temalied van die gelyknamige rolprent wat in dieselfde jaar vrygestel is. Die liedjie is ook in Spaans gekomponeer vir ’n internasionale gehoor.
Kort daarna het snitte soos Gedig op my Arm, Al te min te veel gevra en Waarom gevolg. En nou is die groep terug…
Die trio het onlangs by Select Musiek en Platinum Musiek aangesluit en is gereed om van krag-tot-krag te gaan.
Al Wat Ek Oor Het begin ’n nuwe hoofstuk in hul reeds-gevestigde loopbaan. Hierdie nuwe treffer is daarop gemik om 1925Band na selfs groter hoogtes te neem met ’n moderne klank en edgy lirieke.