’n Musikale fees van treffers met ‘Lockdown Lekkerte’

FOTO: Verskaf

Wanneer Lockdown Lekkerte op Saterdag, 3 Oktober plaasvind sal kykers ’n musikale fees van treffers in die  gemak van hul eie huise kan geniet as Robbie Wessels, Leah, Willem Botha, Reynardt Hugo, André Schwartz,  Lee Scott, Bianca le Grange en David Johnson almal saam in dié produksie gesien kan word. 

“Die span van CO Productions doen gewoonlik een keer ’n jaar ’n showcase produksie wat al ons kunstenaars  insluit,” het Corné Oosthuizen, stigter en besturende direkteur van CO Productions, vertel. 

“Dié konsert het ’n instelling geword en gaste kan jaarliks uitsien na groepnommers en duette asook elke kunstenaar se individuele treffers. Weens Covid-19 en die gepaardgaande inperkings kon dié geleentheid  nie vanjaar realiseer nie. Daarom het ons dus besluit om dit aanlyn te neem,” het Oosthuizen verduidelik.  

Wat dié aanlynvertoning uniek maak is die verwerkings wat die kunstenaars saam doen wat nie sommer gou  weer gesien sal kan word nie. Liedjies wat die siel sal aanraak en die voete sal laat jeuk is ook ingesluit tesame  met die humoristiese aanslag wat van dié kunstenaars so gewild maak.  

Een van die vele hoogtepunte van Lockdown Lekkerte is ook die verwerking van die enkelsnit, From Now  On, vanuit die bekroonde film The Greatest Showman, wat tydens dié produksie deur die kunstenaars vertolk  word nadat hulle dit vroeër vanjaar, tydens Vlak 5 van inperking, gedurende isolasie opgeneem en vrygestel  het.  

“Ek sien baie uit na Lockdown Lekkerte en die kuier saam met my musiekvriende terwyl ons mense so by  die huis kan vermaak,” het Robbie Wessels vertel. 

Kyk hier na ’n voorskou:

“Ons weet almal trek swaar na afloop van die inperkings en daarom het ons besluit om kaartjiepryse  bekostigbaar te maak. ’n Skamele R50 verseker jy kan deel in die aksie en van die land se topkunstenaars in  een konsert geniet. Kaartjies is aanlyn by Quicket beskikbaar,” vertel Oosthuizen. 

Lockdown Lekkerte is ’n aanlynproduksie wat spog met agt kunstenaars op een verhoog – vir slegs een aand!  Die vertoning vind op Saterdag, 3 Oktober om 19:00 plaas. Kaartjies is slegs by Quicket beskikbaar hier